சூடான விமர்சனம்

சூடான விமர்சனம்:

2009 இல் என் சின்ன மாமா பெங்களுரு வந்து இருந்தார்.
நான் நிறைய படங்கள் பார்ப்பேன்.ஒவ்வொன்றைப்பற்றியும் விமர்சனம் மனதில் ஓடும் . நண்பர்கள் சந்திப்பில் அதை பற்றி பேசுவது உண்டு.

செந்தில் , பாலு இருவருடன் இது பற்றி தொலை பேசி வாக்குவாதங்களும் நடக்கும்.

சரி சின்ன மாமா வருகை பற்றி தொடருவோம்.

அவர்கள்  நிறைய படம் பார்க்கும் பழக்கம் இல்லாதவர்.
பெங்களூருவில்  பொழுதைக்கழிக்க  , "விண்ணைத்தாண்டி வருவாயா " சென்றோம் . நிறைய பேசாத மாமாவிடம் ,படத்தின் இடைவேளையில் , "என்ன மாமா படம் பிடித்ததா ?" என்று கேட்டேன்.

கேட்டு முடிக்கும்முன் பதில் வந்தது, "அவள் விண்ணைத்தாண்டி எங்கே , வீட்டை தாண்டி கூட வர மாட்டாள் போல இருக்கே "என்று!

என் வாழ்நாளில் நான் கேட்ட சிறப்பான ஒரு வரி "ஹைக்கூ" விமர்சனம் இதுதான்!